وسط الالم ،خد حبه فالنتين ، للامل

14 فبراير

التدوينه دى للفانتاين ، ايوه فعلا رغم الحاصل

جلال عامر مات زعلان ، كاتب ساخر مات وهو ما قادر يصدق انو المصريين بقتلوا بعض ، كاشغرى احتمال يعدم عى السعوديه لكلام كتبه فى توتير و هو كلام لا شك سئ جدا و لكنه اعتذر ، سوريا توجع القلب ، و السودان ما كان و لا لحظه اكتر بهجه من القبلها كل يوم بخنق اكتر . العالم مش سعيد و مش مستعد للفالنتاين لكن جربوا حبه شوزفرنيا ، ساعه بس افرحوا زى ما متعودين و ارجعوا الزعل بالاكوام و من جميع التشكيلات و بنطق بكل اللهجات .

اتذكروا فالنتاين شخصيا كان ثائر.

خسرتنا الكتير في الربيع العربي لكن ما حيتحول لفصل تانى قلوبنا ربيع و بيها حنكمل المشوار. حبو جددوا الامل.

———

مستعد ، مستعده

مستعد تبطل تخاف تعيش شويه لقلبك

شويه بس

مستعدين تنسو الفات و الجاي

الخونه و الخايفين

القتله و البشعين

و تصنعوا فرحه صغيره

فرحه ما مسروقه

بس متعوب عليها

فرحه ما مضغوطه

بدون تأنيب ضمير

فرحه من كوكب جميل

فرحه لعالم سعيد

فيه مافى ابدا طاغى جديد

ممكن تضمد الجرح

و تبلع مسكن

تهدأ شويه

تفرح شويه

ممكن تشارك

  1. ممكن تمشي في جنازه و ترجع تتصل بيها

تقول ليها متألم

ممكن تلم حزنك و تديه ليها

ممكن تستقبلي في جرحك الم تانى الم حقو

الم موصول من قلبو

من كرامتو و قله الحيله و الصبر الطويل

المو الغلبه و خجلان يجيك

و شايله و عليه تقيل

ممكن تقوم تتحدى بشكل تانى

وسط القنابل توزع ورد

و تطلع متظاهر بالاحمر

زى البطل

جوه الخطر

و الجمهور يتوتر يتجمهر

و يردد معاك حلمك الاخضر

ممكن تكونى برضو امه

تكونى مفتاح النصر

تعتصمى جوه روحو لحد ما يلقي امل

و تطلعى غنيه

و زغروده

و ابتسامات الفخر

مستعدين نقول لفرعون

غصب عنك حنعيش

فوق جمرك بنرقص

و انت من قهرك تنهزم

تتشتت

تمرض

ت

و في الاخر تموت

في الاخر تفوت

و احنا مزروعين كتير

محل كل شهيد راقد

ينبت بشر ، ينبت مجد ،ينبت وطن

مستعد تكافح اكتر ،احتفل زى ما كنت دايما

حب زى ما كنت و اكتر

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: