مرت سنه

4 يوليو

مرت سنه ..اكتب عنك اقول شنو

مافى كلام بتكتب

عن زول صديقك فارقك

لا قدرت تودعو و لا عرفت تكون معاو اخر الطريق

مجروح قلبي و حزين

ما قادر اسامح نفسي و لا قادر اعتبرك خلاص

زى كانك سافرتى

زى كانك بس مشيتى بدون سلام

بدون كلام

سخيفه الكلمات ما ليها معنى

ما قادره تشرح

ما عارفه تحكيك

اسكت احسن

….

يا زهرة الله يرحمك

ما قادره اتذكر كان ياتو يوم ..عشان كدا الشهر الفات من اولوا لاخرو كنت بفكر فيك .. لسه نمرتك فى موبايلى و لسه بفتكر انو بس طولت منك … زى عادتى ..و  لو اتصلت ممكن تردى .

ما كنت بستاهلك ..كنت صحبتى اكتر ما كنت صحبتك …ما قادره اتصور انو ما حضرت العمليه ..و ما عرفت الا تانى يوم …اخوك بواسينى تخيلى بدل ما اصبروا …الدكتور مات فما قادره اتكلم عنو … بس مفقوعه من الحصل ؟ بقيت بكره المستشفى دى وكل ما اسمع زول ماشي ليها قلبي بوجعنى … يومك على قول هاني اخوك ..لكن انا عارفه هو اكتر زول تعب من القصه دى .

ما مفروض اكتب عنك حاجة حزينه لانك بس مبتسمه ما بقدر اتذكرك غير كدا . طول عمرك مريضه و طول عمرك هزيله و حتى اخر مره كلمتك مشرقه … بالجد زى ما بقولوا الطيبين ما بعيشوا كتير

امس كان عيد ميلادك .. والليله عيد ميلادي …ما كان عندك ولا هدية منى و لسه هديتك محفوظه…مافي ايام ممكن ترجع عشان اكون معاك اكتر …بس متاكده انك عارفه قدر شنو بحبك و بدعي ليك .

Advertisements

5 تعليقات to “مرت سنه”

  1. رشل 5 يوليو 2011 في 17:31 #

    الله يرحمها… كلماتك أبكتني
    الصحبة شيء رائع ونادر

    • moshahidah 22 يوليو 2011 في 11:25 #

      تسلمي يا رشا …اعذرينى اتأخر الرد ..فقد .فجعت مره اخره هذا العام بوفاة زميل دراسة عزييييييييييييز
      رحل فجأة في عز الشباب في عز حزن والدته بفقد ابيه و ترك المنزل لها خاليا سوى ممن يحبونه و يزورن امه برا به …الله يرحمو لا اذكره الا بالخير سبحان الله دائما مبتسم ومازح

      كل عام تقطف زهرة …كل عام يذهب منا الاطيب و الاجمل و الابهي

      شكرا لتعليقك و شكرا لانك ممن يتابعون المدونة عبر البريد ارجوا ان اكون ضيف خفيف على بريدك
      دمتى بخير

  2. lawnelmatar 22 يوليو 2011 في 15:52 #

    الله يرحمه… ويصبر امه والناس اللي بيحبوه
    😦
    اسكنه الله فسيح جناته هو وجميه موتى المسلمين
    …..
    اتابع مدونتك وانتظر جديدك دائما بشغف

  3. رشا 22 يوليو 2011 في 16:32 #

    الله يرحمه… ويصبر امه والناس اللي بيحبوه 😦
    اسكنه الله فسيح جناته هو وجميه موتى المسلمين
    …..
    اتابع مدونتك وانتظر جديدك دائما بشغف

  4. roobe34 26 أبريل 2012 في 11:52 #

    يسسلموو انتي رآآئعةة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: